ឧកញ៉ា ឆាយ សុីវលីន បង្ហាញយុទ្ធសាស្ត្រ "ធ្វើដំណើរដោយរលូន" ក្នុងសន្និបាតក្រសួងទេសចរណ៍

នៅក្នុងពិធី សន្និបាតបូកសរុបលទ្ធផលការងារក្រសួងទេសចរណ៍ ឧកញ៉ា ឆាយ សុីវលីន ប្រធានសមាគមទេសចរណ៍កម្ពុជា បានអញ្ជើញចូលរួមជាវាគ្មិនកិត្តិយស ក្នុងកិច្ចពិភាក្សាក្រោមប្រធានបទ “ការតភ្ជាប់ និងភាពរលូនក្នុងការធ្វើដំណើរ" មូលដ្ឋាននៃការប្រកួតប្រជែងទេសចរណ៍”។

កិច្ចពិភាក្សានេះ ត្រូវបានសម្របសម្រួលដោយ ឯកឧត្តម ហោ សារុន រដ្ឋលេខាធិការក្រសួងទេសចរណ៍ ដោយមានការចូលរួមពីថ្នាក់ដឹកនាំ និងភាគីពាក់ព័ន្ធក្នុងវិស័យទេសចរណ៍។ក្នុងឱកាសនេះ លោកជំទាវប្រធាន បានចែករំលែកទស្សនៈ និងបទពិសោធន៍ស្តីពីសារៈសំខាន់នៃការពង្រឹងការតភ្ជាប់ ការធ្វើដំណើរដែលមានភាពរលូន និងការសហការរវាងភាគីពាក់ព័ន្ធ ដើម្បីលើកកម្ពស់ភាពប្រកួតប្រជែង និងការអភិវឌ្ឍវិស័យទេសចរណ៍កម្ពុជា ប្រកបដោយចីរភាព។